Ung vinstri græn vilja að:
- Þrepaskiptu skattkerfi verði viðhaldið og persónuafsláttur hækkaður.
- Sanngjörnum auðlegðarskatti verði komið á að nýju.
- Sanngjörn renta sé tekin fyrir nýtingu auðlinda, bæði á sjó, í formi auðlindaskatts á sjávarútveg, og landi í formi raforkuverðs sem tekur mið af raunverulegum kostnaði við framleiðslu raforkunnar fyrir samfélag og náttúru og í ferðaþjónustu, Að þar sem leitað verði leiða til að afla tekna fyrir uppbyggingu og umsjón með náttúruperlum náttúru Íslands svo hægt verði að vernda þau fyrir ágangi ferðamanna.
- Virðisaukaskattsþrepum verði fjölgað og þau nýtist sem það jöfnunartæki sem þau sannarlega eiga að vera.
- Bækur, mikilvægustu námsgögn, barnavörur, getnaðarvarnir og túrvörur beri ekki virðisaukaskatt.
- Kosningaaldur verði lækkaður niður í 16 ár.
- Uppbygging og umsjón með ferðamannastöðum verði að hluta fjármögnuð með gistináttagjaldi.